MAUAJI YA MTOTO WA MIAKA 5 YAZUA HISIA KALI KWA WANANCHI

Ugunduzi wa mwili uliokuwa ukioza wa msichana wa miaka mitano nchini Nigeria Hanifa Abubakar umezua wasiwasi na hisia kali, ambapo alama ya reli #JusticeForHanifa imesambaa

Mmiliki wa shule hiyo , Abdulmalik Mohammed Tanko, amekamatwa na shule hiyo kufungwa.

Alidaiwa kumteka nyara Hanifa kaskazini mwa jimbo la kano mwezi Disembaakiwa na lengo la kutaka kupewa kikombozi cha $14,600 (£10,800).

Polisi wanasema kwamba baadaye alimuua Hanifa alipogundua kwamba amemgundua.

Kulingana na mamlaka, bwana Tanko, 34, aliongoza maafisa katika ardhi ya shule hiyo ambapo alikuwa amezika mwili wa msichana huyo katika kaburi lenye kina kifupi.

Mabaki yake baadaye yalifukuliwa kwa uchunguzi wa kimatibabu na kuzikwa katika maziko rasmi na familia yake. Tanko hajafunguliwa mashtaka .

Inadaiwa kwamba Hanifa alitekwa nyaramapema mwezi Disemba nje ya shule ya kujifunza dini aliokuwa akienda.

Washukiwa wengine wawili pia wamekamatwa, maafisa wa polisi wanasema.

KENYA YAONDOA MARUFUKU SAFARI ZA NDEGE TOKA DUBAI

Wasafiri kutoka Dubai wataruhusiwa kuingia nchini Kenya kuanzia leo baada ya nchi hiyo kuondoa marufuku iliyokuwa imeweka kwa ndege zote zinazoingia na za abiria kutoka taifa hilo la Mashariki ya Kati wiki mbili zilizopita.

Mkurugenzi mkuu wa Mamlaka ya Usafiri wa Anga nchini Kenya (KCAA) Gilbert Kibe aliambia gazeti la Business Daily Jumatatu kwamba marufuku hiyo iliondolewa Jumatatu usiku wa manane, na kutoa afueni kubwa kwa mamia ya wasafiri kati ya maeneo hayo mawili.

Kenya ilikuwa imesimamisha safari zote za ndege za abiria zinazoingia na kutoka Umoja wa Falme za Kiarabu (UAE) mnamo Januari 10 kulipiza kisasi dhidi ya hatua ya Dubai kupiga marufuku safari zote za ndege za abiria kutoka Kenya kwa madai ya vipimo bandia vya Covid-19.

Marufuku hiyo hata hivyo haikuathiri safari za ndege za mizigo ambazo kwa kawaida husafirishwa na wachukuzi kama vile Kenya Airways (KQ) na shirika la ndege la Emirates kutoka UEA hadi Kenya.

"Kenya itafanya NOTAM kuondoa kusimamishwa kwa safari za ndege kwenda na kutoka UAE kuanzia usiku wa manane leo (Jumatatu)'' alisema Bw Kibe.

Marufuku hiyo ilikuja siku chache baada ya UAE kuongeza muda wa marufuku ya safari za ndege nchini Kenya baada ya kubaini kuwa wasafiri kutoka Nairobi walipimwa na kukutwa na Covid-19 baada ya kuwasili katika taifa hilo la Mashariki ya Kati, licha ya nyaraka zao kuonesha hawana maambukizi.

AFUNGWA JELA MIAKA 6 KIMAKOSA

Kijana mweusi wa Nevada nchini Marekani alitumikia kifungo cha miaka sita gerezani baada ya polisi kumfananisha kimakosa na mshukiwa mzungu mwenye jina sawa na lake ambaye ana umri mkubwa mara mbili ya umri wake, mashitaka yameeleza.

Shane Lee Brown, mwenye umri wa miaka 25, alikamatwa mwezi Januari 2020 barabarani baada ya kushindwa kuonyesha kibali cha kuendesha gari (licence). Polisi wa Las Vegas walipata kibali kilichoandikwa kwa jina lake.

Lakini kibali hicho kilikuwa ni kwa jili ya Shane Neal Brown halisi, mwanaume wa makamo mzungu mwenye ndevu, yalidai mashitaka ya kesi iliyofunguliwa kuhusiana na tukio hilo.

Kijana huyo hakushitakiwa kwa uhalifu na sasa amewasilisha kesi ya uharibifu uliosababishwa na kufungwa kwake bila kosa.

Msemaji wa mji wa Henderson aliviambia vyombo vya habari vya Marekani kwamba kijana huyo alikamatwa kisheria kwa kuendesha gari huku akiwa na kibali kilichosimamishwa.

Mji Henderson haukuelezea kuhusu madai ya kukosewa kwa utambulisho katika hatua za kisheria zilizochukuliwa.

Kulingana na waraka wa kesi hiyo, maafisa wa polisi walisema walifikiria kimakosa kwamba BwBrown alikuwa ni Shane Neal Brown, mwanaume mzungu mwenye nywele za rangi ya kahawia, macho ya blu na ndevu.

Akiwa sasa na umri wa miaka 51, alifungwa kwa uhalifu mwaka 1994, kabla hata Brown mdogo hajazaliwa, vimeripoti vyombo vya habari vya Marekani.

SHIRIKA LA AFYA DUNIANI LASEMA CORONA INAWEZA KUISHA MWAKA HUU

Mkurugenzi mkuu wa Shirika la afya duniani (WHO), Tedros Adhanom Ghebreyesus amesema kwamba corona inaweza kuisha mwishoni mwa mwaka huu iwapo nchi zote duniania zitachukua hatua kabambe za kukabiliana na maambukizi.

Kiongozi huyo wa WHO alilkuwa akizungumza kakitaka kikao cha 150 cha shirika hilo la afya duniani cha kamati kuu kilichofanyika mjini Geneva. Akizungumza katika mkutano huo , Tetros alisema kuwa WHO inashirikiana katika ngazi za kikanda, kitaifa na kimataifa katika juhudi za kuutokomeza ugonjwa Covid.

Alisema kwamba shirika lake limekuwa likitoa raslimali, mikakati, na ujuzi wa kiufundi unaohitajika katika kudhibiti corona kwa nchi husika.

Dkt Tedros Adhanom Ghebreyesus alisisitizia haja ya kujifunza kutokana na corona na kubuni suluhu moya katika kukabiliana na hali za mzozo zinapojitokeza.

MECHI YA AFCON CAMEROON YASABABISHA VIFO ZAIDI ZAIDI YA WATU 5 (VIDEO)

Watu sita wameripotiwa kufariki na makumi kadhaa kujeruhiwa katika msongamano uliotokea nje ya uwanja unaopokea mechi za Kombe la Mataifa ya Afrika nchini Cameroon.

Picha za video zinaonyesha mashabiki waking'ang'ana kuingia kwa nguvu katika uwanja Paul Biya uliopo katika mji mkuu Yaounde.

Naseri Paul Biya, gavana wa jimbo la kati la Cameroon amesema kuwa huenda kukawa na idadi zaidi ya waathiriwa , limesema Shirika la habari la AP.

Ripoti nyingine imesema kuwa watoto kadhaa walikuwa wamepoteza fahamu.

Uwanja huo una uwezo wa kuwapokea watu 60,000, lakini kwasababu ya masharti ya kuzuwia maambukizi ya Covid ulipaswa kupokea 80% pekee ya watu hao.

Maafisa wa mechi waliripotiwa wakesema kwamba watu wapatao 50,000 walikuwa wakijaribu kuingia ndani ya uwanja huo.

Msongamano katika lango la uwanja ulisababisha "vifo vya watu sita na makumi kadhaa wamejeruhiwa", aliripoti mtangazaji wa kituo cha televisheni cha taifa CRTV.

Nick Cavell, mzalishaji wa vipindi wa BBC Afrika, alikuwa katika mechi na anasema kwamba ilionekana taarifa ya mkanyagano haikuwafikia umati wa watu hadi taarifa iliporipotiwa kwenye mitandao ya kijamii.

Viatu vingi na vifusi vilionekana kwenye lango la kuingia uwanjani, alisema.

Muuguzi Olinga Prudence aliliambia shirika la habari la AP kwamba baadhi ya majeruhi walikuwa katika "hali mbaya".

Shirikisho la soka barani Afrika, CAF limesema katika taarifa yake kwamba kwa sasa "linachunguza hali na kujaribu kupata taarifa zaidi za kile kilichotokea".

Mechi ya mwisho ya 16 baina ya Cameroon na Comoro, ilichezwa licha ya tukio hilona ilimalizika kwa ushindi wa wenyeji Cameroon wa 2-1 chidi ya Comoro.

Six people are reported to have been killed and dozens hurt in a crush outside a stadium hosting an Africa Cup of Nations match in Cameroon.

Video footage showed football fans struggling to get access to the Paul Biya stadium in a neighbourhood of the capital Yaounde. pic.twitter.com/a6WLbFZORj

— Charles Ayitey (@CharlesAyitey_) January 24, 2022

HABARI KUBWA ZA SOKA ULAYA JUMANNE JANUARY 25

Tetesi Za Soka Ulaya Jumanne January 25, 2022

1. Mshambuliaji wa Serbia Dusan Vlahovic, 21, ameiambia Fiorentina kuwa anataka kujiunga na wapinzani katika ligi ya Serie A, Juventus.

2. Manchester City na Liverpool wamefanya mazungumzo kuhusu kumsajili winga wa Uholanzi Cody Gakpo mwenye umri wa miaka 22 kutoka PSV Eindhoven.

3. Manchester United walikuwa miongoni mwa vilabu vilivyomchunguza winga wa Colombia Luis Diaz akiichezea Porto mwishoni mwa juma. Atletico Madrid na Borussia Dortmund pia wanamfuatilia mchezaji huyo mwenye umri wa miaka 25, ambaye amefunga mabao 14 katika mechi 18 za Primeira Liga msimu huu. 

4. The Gunners, hata hivyo, italazimika kutimiza masharti ya pauni milioni 70 ikiwa wanataka kumsajili Isak kabla ya tarehe ya mwisho ya kuhama Jumatatu ijayo.

5. Kocha wa Arsenal Mikel Arteta ni shabiki mkubwa wa Calvert-Lewin lakini jaribio lolote la kumsajili halitafanyika hadi msimu wa joto.

SOMA MAGAZETI YA TANZANIA JUMANNE JANUARY 25

Hapa tumekuanikia kurasa za magazeti ya Tanzania leo   Jumanne January 25

JESHI LATANGAZA KUPINDUA SERIKALI YA BURKINA FASO

Jeshi nchini Burkina Fasso linasema kwamba limechukua mamlaka na kumuondoa madarakani rais Roch Kabore.

Tangazo hilo lilitolewa katika runinga ya taifa na afisa mmoja wa jeshi , ambaye alisema kwamba aserikali na bunge limevunjwa.

Kufikia sasa haijulikani bwana Kabore yuko wapi , lakini afisa huyo amesema kwamba wale wote wanaozuiliwa wapo katika eneo salama.

Mapinduzi hayo yanajiri siku moja tu baada ya wanajeshi hao kudhibiti kambi za jeshi huku milio ya risasi ikisika katika mji mkuu wa Ouagadougou..

Mapema , Chama tawala cha peoples Movement PMP kilisema kwamba wote Kabore na waziri mmoja wa serikali walinusurika jaribio la mauaji.

Siku ya Jumapili, wanajeshi waasi walitaka kufutwa kazi kwa maafisa wa jeshi na kuongezwa kwa raslimali za kukabiliana na wapiganaji wa Kiislamu.

Taarifa hiyo ilitolewa na kundi ambalo halijasikika hapo awali, Vuguvugu la Patriotic for Safeguard and Restoration au MPSR, kifupi chake cha Kifaransa.

"MPSR, ambayo inajumuisha vitengo vyote vya jeshi, imeamua kusitisha wadhifa wa Rais Kabore leo," ilisema.

Kabla ya tangazo hilo, Muungano wa Afrika na Umoja wa Afrika Magharibi Ecowas walilaani kile walichokiita jaribio la mapinduzi nchini Burkina Faso.

Ecowas imesema kwamba wanajeshi watawajibikia usalama usalama wa Bw Kaboré iwapo lolote litatokea.

Video kutoka mji mkuu inaonekana kuonyesha magari ya kivita - yanayoripotiwa kutumiwa na rais - yakiwa na mashimo ya risasi na kutelekezwa mitaani.

Huduma za mtandao wa simu za mkononi zimekatizwa, ingawa mtandao wa laini zisizobadilika na wi-fi ya nyumbani zinafanya kazi

Bw Kaboré hajaonekana hadharani tangu mzozo huo uanze lakini machapisho mawili yalionekana kwenye akaunti yake ya Twitter kabla ya afisa huyo kutangaza kuwa amepinduliwa.

Baadaye alitoa wito kwa wale waliochukua silaha kuziweka chini "kwa maslahi ya taifa". Hapo awali Bw Kaboré alipongeza timu ya taifa ya kandanda kwa ushindi wao katika mechi ya Kombe la Mataifa ya Afrika.

Haijulikani ikiwa Bw Kaboré au mtu mwingine alichapisha tweets hizo.

Baadhi ya vyanzo vya usalama vinasema rais na mawaziri wengine wa serikali wanazuiliwa katika kambi ya Sangoulé Lamizana katika mji mkuu.

Siku ya Jumapili, mamia ya watu walijitokeza kuwaunga mkono wanajeshi hao na baadhi yao walichoma moto makao makuu ya chama tawala. Amri ya kutotoka nje wakati wa usiku imewekwa.

Credit : BBC

RAISI SAMIA ATOA RUHUSA KWA WAFANYABIASHARA WA KARUME KUENDELEA NA KAZI ZAO

Rais wa Jamhuri ya Muungano wa Tanzania Samia Suluhu Hassan ameruhusu Wafanyabiashara wa Soko la Karume kurejea na kuendelea na biashara kwa kuwekewa mpango mzuri ambapo Wafanyabiashara wa Soko hilo wamepongeza uamuzi huo na kuishukuru Serikali.

Mkuu wa Mkoa wa Dar es aalaam, Amos Makalla ametangaza uamuzi huo leo wakati wa mkutano wake wa hadhara na Wafanyabiashara wa Soko la Karume baada ya kupokea taarifa ya ripoti iliyoundwa kuchunguza chanzo cha moto.

RC Makalla amesema Rais Samia ameelekeza pia uwepo utaratibu mzuri wa kuzuia moto, kuhakikisha hakuna atakayedhulumiwa eneo lake na kutoa ruhusa kwa Wafanyabiashara kujenga Vibanda kwa gharama zao.

Wafanyabiashara hao walizuiwa kwa muda wa siku saba kufanya biashara katika soko hilo ili kupisha uchunguzi wa chanzo cha soko kuungua ambapo RC Makalla amesema chanzo ni mshumaa wa Mateja.

WAZIRI AAGIZA MADUKA YA DAWA YALIYO NJE KARIBU NA HOSPITALI YAONDOLEWE YOTE

 

Serikali imewaagiza wamiliki wa maduka ya dawa yaliyopo mita 500 kutoka vituo vya afya nchini kuyaondoa ifikapo Juni 30 mwaka huu.

Imeelezwa kuwa maduka hayo yapo kinyume cha kanuni ya famasia iliyowekwa mwaka 2020 hivyo wamiliki watachukuliwa hatua za kisheria.

Hayo yamesemwa na Waziri wa Afya, Ummy Mwalimu leo Januari 24, 2022 wakati wa ziara yake aliyoifanya katika hospitali ya Taifa Muhimbili-Upanga kwa lengo la kuangalia ubora wa utoaji huduma kwa wagonjwa

“Nimerudi Wizarani tulitengeneza kanuni maduka yote ya nje ya dawa yanatakiwa kuwa nje umbali wa mita 500 sheria hii niliipitisha kabla sijaondoka Wizarani”

“Maduka yote nawatumia salamu yaliyo ndani ya Mita 500 ndani ya Hospitali Nchi nzima tunakwenda kuyaondoa”

RIPOTI YA SOKO LA KARUME IMEBAINI MOTO ULISABABISHWA NA MSHUMAA

Mkuu wa mkoa wa Dar es Salaam, Amos Makalla, amesema uchunguzi umebaini kuwa mshumaa uliowashwa na mateja ndio sababu ya kuungua kwa soko la Karume na kusema anaamini jeshi la polisi litakuchua hatua stahiki kwa wahusika kwa kuwa wanajulikana.

Kauli hiyo ameitoa hii leo Januari 24, 2022, mara baada ya kupokea taarifa ya tume iliyoundwa ili kuchunguza ni nini hasa chanzo cha moto huo uliotokea usiku wa kuamkia Januari 16 mwaka huu na kupelekea karibu asilimia 98 ya soko la Karume kuteketea kwa moto.

“Sasa zile hisia za nani kachoma nini, mmeona wenyewe, tumeelezwa na mmemsikia Jose amejitoa mhanga ameeleza kwamba tusipoteze muda aliyechoma soko ninamjua, ninaamini jeshi la polisi litachukua hatua stahiki kwa sababu watu hao wanajulikana,” amesema RC Makalla.

Miongoni mwa maoni na Mapendekezo ya Kamati ni pamoja ujenzi wa soko jipya linaloendana na hali ya sasa na vizimba kutolewa kwa kipaumbele kwa Wazawa, uwepo wa mfumo mzuri wa kuzuia moto, Barabara za kuingia na kutoka, ujenzi wa majengo ya muda mfupi, kila mfanyabiashara kuwa na Bima.

FAMILIA ZA UBALOZI WA MAREKANI KUONDOLEWA UKRAINE

Marekani imeziamuru familia za wanadiplomasia wake kuondoka Ukraine, huku hofu ya uvamizi wa Urusi ikiwalaazimu mawaziri wa Umoja wa Ulaya kukutana kuratibu majibu yao na kuandaa orodha ya vikwazo dhidi ya Moscow. 

Hatua hiyo ya Marekani inakuja mnamo wakati mawaziri wa mambo ya nje wanatafuta kuoanisha majibu yao na Marekani, wakati waziri wa mambo ya nje wa Marekani Antony Blinken akishiriki mkutano wa wenzanke wa Umoja wa Ulaya kwa njia ya vidio.

Blinken atawaarifu mawaziri hao juu ya mazungumzo yake siku ya Ijumaa na waziri wa mambo ya nje wa Urusi Sergei Lavrov mjini Geneva, ambako pande mbili zilikubaliana kuendelea kufanya kazi kutuliza wasiwasi lakini walishindwa kupata muafaka wa kupunguza mzozo unaozidi kufukuta.

Mataifa ya Magharibi yanaituhumu Moscow kwa kutishia uvamizi zaidi dhidi ya jirani yake anaelemea magharibi kwa kulundika zaidi ya wanajeshi 100,000 kwenye mpaka wake, lakini Ikulu ya Kremlin inasisitiza kuwa vikosi vyake haviko huko kwa ajili ya uvamizi.

SABABU ZA KUSHINDWA KUFANYA MAPENZI KUTOKANA NA WASIWASI

Mtu anaposhindwa kufanya tendo la ndoa kutokana na wasiwasi kinachotokea ni kuwa mtu huyu anaacha kushiriki kikamilifu na mwenziwe. 

Mtu huyu anaacha kuweka akili yake kwenye mawazo ya kumpa ashiki na kutosikilizia vionjo vinavyoambatana na uwepo wake wa faragha wa yeye na mpenziwe. 

Badala ya kuwa na fikra za ashiki, anapeleka mawazo yake nje na kufikiria ni nini kitatokea iwapo atashindwa kulikamilisha tendo, ni vipi mwenziwe atamchukulia kuhusu urijali wake na jinsi mpenzi wake atakavyomchukulia kiujumla. 

Ataanza kupata wasiwasi kuwa kwa kuwa ana tatizo la jogoo kushindwa kuwika au kwa kukosa kufika kileleni basi mpenzi wake wa kike au wa kiume atamhesabu kuwa si mwanamme au mwanamke kamili.

Kupata ashiki kunaendana na kiwango cha utulivu wa ubongo wako. Hata kama mwenzi wako atakuvututia kwa kiwango gani, mijadala ndani ya ubongo wako kuhusu uwezo wako wa kumridhisha, itasababisha ushindwe kumudu kufanya tendo la ndoa kikamilifu.

Kwa wanaume, moja ya matokeo ya uwepo wa homoni za kuleta msongo wa mawazo (stess hormones) ni kuiminya mishipa ya damu. 

Damu itatiririka kwa kiwango kidogo sana kuelekea kwenye uume na kuufanya uume kushindwa kusimama imara. Hata uume wa mwanamme wa kawaida unaweza kushindwa kusimama na kuishia kupata tatizo hili.

Tatizo la kushindwa kufanya mapenzi kutokana na wasiwasi haliwasumbui sana wanawake ukilinganisha na wanaume, lakini linaweza kumzuia mwanamke kufikia utayari wa kufanya mapenzi. 

Wasiwasi unaweza kuzuia mwanamke asitokwe na ute wa kutosha wa kumfanya afurahie tendo la ndoa, na unaweza kuuzuia mwili wake kupenda kufanya mapenzi.

Tatizo la kushindwa kufanya mapenzi kutokana na wasiwasi ni la mzunguko usioisha kwa maana kwamba ukianza kuwa na wasiwasi kiasi cha kushindwa kufanya mapenzi, hali hiyo itakufanya uwe na wasiwasi zaidi na zaidi wa kulifanya tendo hilo.

Kuna sababu nyingi zinazoweza kusababisha tatizo hili. Kwa kawaida, kama tatizo hili lilishawahi kujitokeza siku za nyuma, litachangia kwa kiasi kikubwa hali ya sasa hivi. 

Lakini, kwa kiwango kikubwa, tatizo la kushindwa kufanikisha tendo la ndoa kutokana na waswasi linatokana na wasiwasi wenyewe.

1.Wasiwasi ya kuwa hutafanya vizuri na kushindwa kumridhisha mpenzi wako kitandani.

2.Kuwa na wasiwasi kuhusu umbo lako la mwili, pamoja na unene wa kupindukia

3.Matatizo katika mahusiano yenu

4.Wasiwasi wa mwanamme kuwa uume wake ni mdogo

5.Wasiwasi wa mwanamme wa kumaliza mapema au kuchukua muda mrefu mno kufika kileleni

6. Wasiwasi wa mwanamke wa kushindwa kufika kileleni au kulifurahia tendo la ndoa

Mambo mengine yanayoweza kuchangia ni:
.
 Msukumo Wa Jamii
Msukumo wa jamii ni moja ya sababu kubwa za wasiwasi wa kufanya tendo la ndoa. Wanaume wanafikiri kuwa kushindwa kuwaridhisha wanawake kutawapunguzia mwonekano wao katika jamii na wanawake pia wanafikiri wanaume watawajadili kulingana na maungo yao na uwezo wao wa kufanya mapenzi. Hali hii inachochewa na jinsi watu wa karne hii wanavyoonyesha mambo ya siri hadharani na kulifanya tatizo hili kuwa kubwa zaidi kila siku.

. Kukosa Uzoefu
Kukosa uzoefu katika mapenzi kunaweza kusababisha matatizo madogomadogo katika kufanya tendo na baadaye kumsababishia mtu kupatwa na tatizo la kuwa na wasiwasi wa kufanya tendo la ndoa. Kuwahi kufika kileleni, kwa mfano, ni tatizo la kawaida kwa wale wasio na uzoefu wa kufanya mapenzi na likitokea husababisha aibu, na taratibu huanza kumjengea wasiwasi mhusika na baadaye kuishia na matatizo makubwa katika ufanyaji mapenzi.

. Kukutana Kimapenzi Kulikoleta Mtafaruku
Tendo la ndoa mtu hulifanya akiwa na matarajio. Kwa hiyo mtu ambaye aliwahi kugombana, kuwa na mabishano makubwa, au kuadhiriwa na mpenzi wake kwa sababu yo yote wakiwa chumbani anakuwa kwenye hatari kubwa ya kuwa na wasiwasi watakapokutana na mtu mwingine kimapenzi. Kwa kawaida watu wapo makini sana kuhusu uwezo wao wa kufanya mapenzi, miili yao n.k. na kitu cho chote kitakachowavuruga kuhusu haya, kitawaletea wasiwasi.

17 WAFARIKI KATIKA AJALI YA MOTO CAMEROON

Cameroon inasema imefungua uchunguzi kufahamu majina na utaifa wa watu 17 waliofariki Jumapili katika moto uliosababishwa na mlipuko katika mji mkuu Yaounde.

Mlipuko uliotokea katika klabu maarufu ya usiku pia umejeruhi watu wanane. Serikali imewataka watu kuwa na utulivu wakati maelfu ya mashabiki wa kandanda wako mjini Yaounde kwa mashindano yanayoendelea la kombe la mataifa ya Afrika (AFCON).

Mamia ya watu wakiwemo maafisa wa serikalli ya Cameroon walijitokeza huko Bastos, kwenye ujirani uliopo mjini Yaounde, Jumapili asubuhi. Waliwaangalia jinsi majirani na wafanyakazia wa Livs, klabu maarufu ya usiku, na kikosi cha kijeshi cha zimamoto cha Cameroon, wakipekua kwenye majengo yaliyoungua katika eneo hilo.

Miongoni mwa raia waliojishughulisha na kusaidia kuwatafuta majeruhi alikuwa Gustav Lemaleu mwenye umri wa miaka 27. Lemaleo anasema raia na idara ya zimamoto wamewaokoa kiasi cha watu 40. Anasema ni vigumu kufahamu majina na utaifa wa wale waliojeruhiwa na waliokufa kwasababu wateja huwa hawatakiwi kuonyesha vitambulishe kabla ya kuingia Livs.

Lemaleu amesema ana uhakika kwamba baadhi ya waathirika ni pamoja na watu ambao wanaitembelea Cameroon kujionea michuano ya kombe la mataifa ya Afrika inayoendelea nchini humo.

Katika taarifa, serikali inasema ajali ya moto kwenye klabu ya usiku ilisambaa hadi kwenye duka la kuuza gesi ya kupikia. Milipuko mikubwa ilisikika kutoka kwenye mitungi ya gesi sita, na kusababisha taharuki kubwa katika ujirani huo.

Waziri wa Afya ya Umma, Manaouda Malachie anasema Rais Paul Biya alijulishwa juu ya tukio hilo mara tu lililpotokea. Manaouda anasema Biya ameamuru wafanyakazi wa afya kuwasafirisha majeruhi kwenye hospitali kuu ya Yaounde.

Anasema Biya ameiomba wizara ya afya ya umma kuwatibu majeruhi bila ya kudai malipo na kwamba mipango inafanywa kwa waliofariki kuzikwa katika maeneo yao ya asili baada ya uchunguzi. Anasema Biya ameiamuru wizara hiyo kutoa msaada wa kisaikolojia kwa wanafamilia ambao wamepata kiwewe hasa pale wanapowatambua jamaa zao.

HUU NDYO WIVU UNAOONGELEWA KWENYE MAPENZI

Mtakubaliana nami kuwa suala la kuwa na wivu kwa mpenzi wako ni jambo lisilokwepeka hasa kwa sababu kubwa ya kuaminika kwake kwamba kuwa na wivu ni moja ya kigezo cha kuonesha ni jinsi gani unampenda mpenzio na kwamba hauko tayari kwa namna yoyote ile kushea na mwingine, ndio maana wanawake wengi hawataki kusikia suala la ukewenza kabisaa! Hata kama jambo hilo limepewa baraka zote na dini au tamaduni zao.

Lakini kubwa katika wivu ni ile kutokuwa tayari kuona tunasalitiwa na wapenzi na hasa kwa wale tunaowapenda ukweli toka moyoni mwetu na zaidi ukute ndo tumeshawa-gharamikia kiasi cha kutosha na kujitoa kwao kwa kila kitu!

Umeshawahi kusikia kauli kama ‘Jamani mke (au mume) anauma! Au kauli kama mke wa mtu sumu” na hugeuka sumu kweli pale unapobambwa na mali za wenyewe, kufanyiwa kitu mbaya inakuwa sio jambo la ajabu sana. 

Nikuambie tu kwamba, mapenzi ni full uchoyo, ni full kujipendelea! Mpenzi wanaume kwa mfano, anaweza kufikiria kwamba ni yeye tu ndiye anayestahili na anayeweza kumfanya mpenzi wake acheke na kufurahi.

Na kwamba akitokea mwanaume mwingine akapata nafasi ya kumfurahisha mpenzi huyo hata katika stori za kawaida tu, unaweza ukasikia akisema, ‘Hivi wewe mna nini na huyo jamaa, mbona unamchekea chekea hivyo, au…!’ 

Hiyo ndiyo choyo ya penzi na kikubwa kinachofanyika hapo ni ile tu kujaribu kulinda maslahi binafsi.

Pamoja na ukweli kwamba tabia ya wivu inapozidi hugeuka kuwa kero, lakini kabla hatujafika huko hebu tuangalie nafasi ya wivu katika mapenzi yetu. 

Yaani swali ni kwamba, je! Wivu katika mapenzi unaleta maana? Nionavyo mimi wivu ukitumika vizuri unaleta maana na una nafasi muhimu sana katika mapenzi kwa sababu zifuatazo:

1.Huonyesha kujali. 

Sote tunaamini pasipo na wivu hata chembe, hapana mapenzi ya kweli. Kumuonesha wivu mpenzi wako ni kumjulisha ni kiasi gani unamjali na kumpenda na kwamba yeye ni mtu maalum sana kwako. 

2.Wivu unaonyesha kuthamini uhusiano. 

Kwa mfano unaweza kumsikia mtu akisema;

“Sio kama sikuamini dear, bali wivu wangu kwako ni katika kuuthamini uhusiano wetu, mimi na wewe ni umoja wenye thamani kubwa, tusiruhusu kuuchezea nje yetu! Huu ni mfano wa ujumbe unaoonesha maana na nafasi ya wivu katika mahusiano ya kimapenzi. 

3.Wivu unaleta mazingira ya kujijengea heshima. 

Kwa mfano mume mwenye wivu na mkewe hujijengea heshima ya kwamba kweli anamjali na kumpenda mkewe lakini pia anaweka mazingira ya kutosumbuliwa kwa mke wake huyo.

UNATAKIWA KUNYWA MAJI KULINGANA NA UZITO WAKO ILI KULINDA AFYA YAKO

Maji ni uhai, maji yakinywewa kwa nidhamu na kuzingatia uzito mtu alionao tunaweza kukwepa zaidi ya asilimia sitini (60%) ya maradhi mbalimbali.

Muda gani sahihi wa kunywa maji!
• Mara tu unapoamka asubuhi.
• Nusu saa au dk 45 kabla ya muda wa chakula  cha mchana au cha jioni.
• Na muda uliobaki kunywa kiasi kwa kipindi fulani cha muda.
• Yanywe maji ukiwa umekaa na kunywa kidogo kidogo.

Muda gani usinywe maji!
• Usinywe maji wakati au maratu baada ya kula. Ijulikane kuwa maji na chakula ni vitu viwili tofauti ambavyo mwili unahitaji lakini sio kwa mkupuo. Ukifanya hivyo maji yanaharibu baadhi ya virutubisho vilivyopo kwenye chakula.

• Usinywe maji mengi kwa wakati mmoja ili kufikia kiwango kinachohitajika kwa siku.

• Hakikisha inapofika saa 12 jioni uwe umeshafikia kiwango chako cha mwisho, usinywe maji zaidi ya muda huo yatakuharibia usingizi usiku.

Kiasi gani cha maji ninywe kwa siku kulingana na uzito nilionao!
Angalia kwenye picha iliyoambatanishwa chini ya makala hii upate kujua kiasi unachotakiwa kunywa kulingana na uzito ulionao.