Kesi Ya Ubakaji Ya Neymar, Polisi Wathibitisha Hili...

Polisi wanaochunguza madai ya ubakaji dhidi ya mchezaji wa Brazil Neymar wamesema wametupilia mbali kesi hiyo.
Ofisi ya mwanasheria wa São Paulo imesema kesi hiyo imetupiliwa mbali kutokana na kukosekana ushahidi, lakini suala hilo litapelekwa kwa waendesha mashtaka kwa ajili ya uamuzi wa mwisho.
Uchunguzi ulianza baada ya mwanamitindo Najila Trindade alidai kuwa mchezaji huyo alimshambulia katika hoteli jijini Paris, Ufaransa, mwezi Mei.
Neymar amekana shutuma dhidi yake akidai kuwa amekuwa akifanyiwa hila.
Msemaji wa Neymar ameliambia shirika la habari la Ufaransa, AFP kuwa hakuwa tayari kuongelea uamuzi wa polisi.


EmoticonEmoticon