Kauli Ya Diamond Platnumz Yazua Utata, Ni Vijembe Kwa Harmonize?

Diamond Platnumz
Inawezekana kinachozungumzwa na wengi kuwa Mkurugenzi wa lebo ya WCB, Diamond Platnumz hajapendezwa na kuondoka Harmonize kuondoka kwenye lebo hiyo kuna ukweli.

Siku za hivi karibuni kumekuwa na minong’ono kuwa wawili hao hawapo karibu na hawana mawasiliano kabisa hasa baada ya Harmonize ambaye Diamond alimkuza kisanii kuomba kujitoa kwenye lebo hiyo, akionekana kama hana shukurani baada ya mambo yote aliyofanyiwa ikiwamo kukuzwa kisanii lakini ameamua kutemana nao.

Kauli hiyo imeonekana ina mashiko kutokana na kile kilichosemwa na Diamond mara baada ya kukabidhiwa ubalozi wa kampuni ya Bomet inayozalisha sabuni ya unga ya Niceone, kuwataka vijana wakumbuke walikotoka.

“Kijana kumbuka sehemu uliyotoka na kumbuka na kuwaheshimu watu waliokuwezesha, mimi nisingeweza kufika hapa bila mameneja wangu na Watanzania ambao ni mashabiki wangu, nitaendelea kufanya kazi kwa bidii na kuwapenda,”

“Naamini kila kijana ameandikiwa fungu lake kwenye maisha na hakuna mtu anaweza kukushusha au kukuzibia riziki yako cha muhimu ni kufanya kazi na kumuomba sana Mungu,” alisema.

Licha ya kutomtaja mtu, kauli hiyo ilizua minong’ono kuwa inawezekana anamfikishia ujumbe huo Harmonize.


EmoticonEmoticon