Tangawizi Zenye Sumu


Maafisa wa afya nchini Kenya wameonya juu ya kuingizwa kwa tangawizi zenye sumu nchini humo.
Wanasema kuwa ikiwa katika kipindi cha mwezi moja mtu yeyote alitumia mchanganyiko wa tangawizi, limao ,asali, maji baridi na vitunguu saumu na maji ya moto huenda amepata sumu hiyo.
Kwa mujibu wa uchunguzi wa vipimo vya maabara kutoka maabara ya serikali ya Kenya tani 23,000 za tangawizi zilizonunuliwa kutoka Vietnam zilikuwa zimeoza, chafu na zenye unyvunyevu, na ukungu, limeripoti gazeti la Sunday Nation nchini humo.
Bwana Muhammed Duba Katibu mkuu wa Muungano wa Maafisa wa Afya, amesema kutokana na matokeo ya maabara mzigo huo ulikuwa na ukungu" na tukaamua kuwa hawapaswi kuupeleka sokoni ".
"Tumegundua kuwa tangawizi hizo ziliachiliwa ,huku zikiwa na sumu ya aflatoxins. Tulielezea hofu zetu kwa maafisa kwamba tangawizi hizo hazifai kuuzwa ," Alisema Bwana Duba.
Kutokana na hayo maafisa wa afya wanatoa onyo dhidi ya matumizi ya sumu ambayo ilibainika kuwa kuharibu seli za ini na kusababisha saratani.
Mzigo huo uliingizwa nchini na wafanyabiashara chini ya kampuni ya Fairoils EPZ Limited mjini Nairobi katika kontena nambari number EGSU50117342 kwa madhumuni ya kutengeneza mafuta.
Lakini uliachiliwa na kuingia hadi masokoni.
Agizo hilo linawataka maafisa wa afya ya umma kutoa ombi la kupata idhini kutoka kwa Halmashauri ya kukagua ubora wa bidhaa nchini Kenya kabla ya kufanya uchunguzi.
"tunahudumu katika bandari hii kwa mujibu wa sheria, sawa na wao, na majukumu yetu ni tofauti. Kwanini tuandike barua ya kutaka tupewe idhini ya kufanya uchunguzi?" Bw. Duba aliuliza.
Wamesema kuwa maafisa wa afya ya umma ni wamepewa dhamana ya kulinda kifungu cha 242 cha sheria ya afya ya umma kinachowapatia jukumu la kuwahakikishia wakenya usalama wa chakula.
Kabla ya kutolewa kwa kutolewa kwa angalizo hilo la mwezi Juni, jukumu kuu la afisa wa afya ya umma lilikuwa ukaguzi wa chakula na kutoa agizo la kuharibiwa vile ambavyo havijafikia viwango vilivyowekwa.
Chama hicho kimeenda mahakamani kuomba agizo hilo lichunguzwe upya ili warudishiwe jukumu lao la awali.
"tumewasilisha ombi letu na kuhoji kuwa taifa liko katika hatari ya kukumbwa na kemikali zisizo salama na chakula," Bw.Duba alisema, huku akiongeza kuondolewa kwa jukumu hilo kutoka kwao limetokana na sababu za kibinafsi kutoka kwa wadau wanaotaka kujifaidi bila kujali usalama wa Wakenya.
Shehena ya tangawizi inayokumbwa na utata iliwasili katika bandari ya Mombasa na ilichunguzwa na maafisa wa afya ya umma mnamo Agost 8.


EmoticonEmoticon