Mtu Mfupi Duniani Afariki Dunia Akiwa Na Miaka 27, Huyu Ndiye Aliyebakia Kuishika Rekodi Hiyo

Khagendra Thapa Magar
Mtu mfupi zaidi duniani ambaye anaweza kutembea kama ilivyothibitishwa na kitabu cha rekodi za dunia cha Guiness amefariki hospitalini Nepal akiwa na umri wa miaka 27.
Khagendra Thapa Magar, kutoka wilaya ya Baglung alikuwa na urefu wa sentimita 67.08cm sawa na futi mbili na nchi 4..
Nduguye aliambia chombo cha habari cha AFP kwamba alifariki siku ya Ijumaa baada ya kuugua homa ya mapafu.
Kitabu cha rekodi za Guiness kilituma risala za rambi rambi kwa bawana Magar kikisema kwamba hakuwacha udogo wake kumzuia kupata maisha bora duniani.
Bwana Magar alitambulika kuwa mtu mfupi zaidi duniani wakati wa sherehe za kuadhimisha mwaka wake wa 18 wa kuzaliwa mwaka 2010.
Edward Hernandez
Edward Hernandez
Rekodi ya mtu mfupi zaidi duniani anayetembea hivi sasa inashikiliwa na Edward Hernandez wa Colombia ambaye ana urefu wa sentimita 70.21.


EmoticonEmoticon