Mawaziri 10 waambukizwa corona Sudan Kusini

Mawaziri 10 wameambukizwa virusi vya corona nchini Sudan Kusini, msemaji wa serikali ameithibitishia BBC.
Waziri wa Habari wa Sudani Kusini Michael Makuei ameiambia BBC kuwa mawaziri wote hao walikuwa ni wajumbe wa kamati ya juu ya serikali ya kupambana na corona nchini humo.
Katika mawaziri waliopo kwenye kamati hiyo, ni Waziri wa Afya pekee ambaye hajakutwa na maambukizi.
Inaripotiwa kuwa mawaziri hao wamepata maambukizo baada ya kukutana na aliyekuwa mjumbe wa kamati hiyo ambaye alikuwa na virusi vya corona.
Mawaziri wote 10 wamejitenga kwa sasa na serikali imesema kuwa wote wanaendelea vizuri kiafya.


EmoticonEmoticon