Inasemekana Raisi Pierre Nkurunziza Alikufa Kwa Corona

Pierre Nkurunziza
Duru za karibu na rais Pierre Nkurunziza zimethibitisha kuwa kiongozi huyo wa Burundi amefariki baada ya kuambukizwa virusi vya corona.

BBC inatambua kwamba vyanzo vya karibu na rais Nkurunziza vimeuthibitishia mtandao wa habari wa SOS ambao unaendeshwa na wanahabari wa Kirundi kuwa rais huyo alikumbwa na corona.

SOS imekusanya matukio yote ya mwisho ya kiongozi huyo ambaye alidharau ukubwa na hatari wa janga la corona kwa kuruhusu kampeni na uchaguzi wa mrithi wake kinyume cha ushauri wa wataalamu wa afya.

Hivyo kwa mantiki hiyo kiongozi huyo anakuwa wa kwanza wa nchi kufariki kwa corona duniani. Hata hivyo, serikali ya Burundi imetangaza kuwa rais huyo alikufa kutokana na shinikizo la moyo.

Wale ambao walikuwa karibu na marehemu kabla ya kifo chake, wamekiambia chombo cha habari cha SOS kuwa timu ya wauguzi ilikuwa haijajiandaa kukabiliana na ugonjwa wa Covid 19.

Walimfanyia vipimo mara tu alipoanza kupata dalili.
Lakini kikosi cha wataalamu wa afya walikutana haraka baada ya hali yake ya afya ilipozorota. Walipambana kupeleka chombo cha kupumulia katika hospitali ya Karusi alipokuwa amelazwa lakini walikuwa wamechelewa tayari.

Mmoja wa wahudumu wa afya ambaye alikuwa anamhudumia rais Nkurunzinza ameripotiwa kuwa na virusi vya corona.
Credit:Bbc


EmoticonEmoticon