Trump Ashtakiwa Kwa Kushambulia Waandamanaji

Makundi ya kutetea haki za binadamu nchini Marekani yamewasilisha kesi dhidi ya Rais Donald Trump baada ya vikosi vya usalama kuwarushia mabomu ya moshi waandamanaji waliokuwa wakiandamana kwa amani nje ya Ikulu ya White House.

Umoja wa Uhuru wa Raia wa Marekani (ACLU) pamoja na makundi mengine, yalimshtumu rais huyo na maafisa wakuu serikalini kwa kukiuka haki za waandamanaji hao waliokuwa wakiendesha kampeni inayojulikana kama maisha ya watu weusi ni muhimu pamoja na waandamanaji wengine binafsi.

Mkurugenzi wa masuala ya kisheria  wa ACLU, Scott Michelman, amesema kuwa kwa matamshi ya ”kiuhalifu” ya Trump dhidi ya waandamanaji hao yanaonysha  anatofautiana na maoni yao ambayo yanatikisa msingi wa mpangilio wa kikatiba nchini humo.

Waandamanaji hao wamekuwa wakifanya maandamano nchini humo katika siku za hivi karibuni kuelezea kughadhabishwa kwao na kifo cha Mmarekani mweusi, George Floyd, mikononi mwa polisi katika jimbo la Minnesota.


EmoticonEmoticon