Raia Wa Singapore Akiri Kuwa Jasusi Wa China Nchini Marekani

China na America
Raia wa Singapore amekiri kuwa na hatia nchini Marekani kwa kufanya kazi kama wakala wa china, tukio la hivi karibuni katika mzozo ulioongezeka kati ya Marekani na China.

Jun Wei Seo alishtakiwa kwa kutumia ushauri wake wa kisiasa huko Marekani wakati anakusanya taarifa za ujasusi za China, maafisa wa Marekani wanasema.
Tofauti ya hapo, Marekani ilisema mtafiti wa China anayeshutumiwa kuficha uhusiano wake na jeshi la China amezuiliwa.
Awali China iliagiza kufungwa kwa ubalozi wa Marekani huko Chengdu.
Hatua ya kufunga mpango wa kidiplomasia katika mji wa kusini-magharibi ilikuwa ni mwitikio wa serikali ya Marekani kufunga ubalozi wa China huko Houston.
Waziri wa mambo ya nje wa Marekani , Mike Pompeo alisema uamuzi huo umechukuliwa kwa sababu China ilikuwa "inaiba" mali ya wasomi.
Msemaji wa Wizara ya Mambo ya nje ya China Wang Wenbin alijibu kwa kusema kwamba hatua hiyo ya Marekani ilitokana na madai ya uongo dhidi ya Wachina".
Baada ya tarehe ya mwisho ya saa 72 ya wanadiplomasia wa China kuondoka katika ubalozi wa Houston mashauriano yalimalizika Ijumaa saa 16:00 (21:00 GMT)
waandishi wa habari waliona wanaume ambao walionekana kuwa maafisa wa Marekani wakilazimisha kufungua mlango wa kuingia ndani ya majengo.
Wafanyikazi wapya kutoka Ofisi ya Idara ya Usalama ya Idara ya Marekani walichukua nafasi ya kulinda mlango huo.
Mvutano umekuwa ukiongezeka kati ya nguvu mbili za nyuklia juu ya mambo kadhaa muhimu.


EmoticonEmoticon