Armenia Na Azerbaijan Zatumbukia Kwenye Mapigano Mapya

Vikosi vya Armenia na Azerbaijan vimetumbukia kwenye mapigano mapya ya kuwania udhibiti wa jimbo la Nagorno Karabakh licha ya miito ya kusitisha mapigano na kuanzisha mazungumzo ya kutatua mzozo huo. 


Shirika la Habari la AFP limeripoti mashambulizi makali ya mabomu kwenye wilaya ya Terter na mtambo wa kufyetua makombora wa Azerbaijan umeonekana ukijitayarisha kuyapiga maeneo ya milimani.


Viongozi wa vuguvugu la wanaotaka kujitenga kwa jimbo la Nagorno Karabakh wameilaumu Azerbaijan kwa kuanzisha mashambulizi kwenye maeneo kadhaa ya jimbo hilo.


Azerbaijan nayo kwa upande mwingine imeituhumu Armenia kwa kufyetua makombora kwenye wilaya za Goranboy, Terter na Agdam zilizopo nje kidogo ya jimbo la Karabakh.


EmoticonEmoticon