Maelfu Ya Watu Waandamana Baada Ya Mwalimu Kukatwa Kichwa Ufaransa

Maelfu waandamana nchini Ufaransa kumuunga mkono Samuel Paty, mwalimu aliyekatwa kichwa kwa kuonesha wanafunzi vibonzo vya Mtume Muhammad.

Watu katika eneo la de la République mjini Paris walikuwa wameshika vipeperushi vilivyoandikwa "Je suis enseignant" (Mimi ni mwalimu), wakati waziri mkuu Castex amesema: "Sisi ni Ufaransa!"

Mwanaume mmoja anayeitwa Abdoulakh A alipigwa risasi na polisi siku ya Ijumaa baada ya kumuua bwana Paty karibu na maeneo ya shule karibu na mji wa Paris.

Watu 11 wamekamatwa kwa ajili ya uchunguzi. Hakuna taarifa zilizotolewa kuhusu kukamatwa kwao. Ndugu wanne wakaribu wa washukiwa walishikiliwa kwa muda mfupi baada ya mauaji hayo.

Watu wengine sita walishikiliwa siku ya Jumamosi , akiwemo baba wa wanafunzi ambaye alitambulishwa na vyombo vya habari vya Ufaransa kuwa alikuwa muhubiri na muislamu mwenye itikadi kali.

Rais Emmanuel Macron alisema ukatwaji wa kichwa wa mwalimu katika kitongoji kilichopo kaskazini magharibi mwa mji wa Paris -Ufaransa ni "Shambulio la ugaidi wa uislamu" na mwalimu huyo aliuawa kwa sababu alikuwa anafundisha uhuru wa kujieleza.

Mauaji hayo yanakuja baada ya shambulio la mwaka 2015 la Charlie Hebdo -ambalo lililengwa na washambuliaji kwa kuchapisha katuni za Mtume Mohammad.


EmoticonEmoticon