Raisi Wa Nigeria Aomba Utulivu Na Ushirikiano

 

Rais wa Nigeria ametoa wito kwa raia wa nchi hiyo kuacha maandamano na kushirikiana na serikali katika kusuluhisha matatizo yanayoikumba nchi hiyo, akisisitiza kwamba serikali imesikia matakwa ya waandamanaji na inayashughulikia.

Buhari amehutubia nchi wakati maafisa wa usalama katika mji mkuu wa Lagos wanapata wakati mgumu kutekeleza amri ya watu kusalia nyumbani kwao katika juhudi za kumaliza maandamano ya kupinga polisi kutumia nguvu kuzidi kiasi.

Katika hotuba yake kwa taifa Alhamisi jioni saa za Nigeria, Buhari aliwaomba vijana “kuacha maandamano na kukubali kushirikiana na serikali kutafuta suluhisho.”

Buhari ameomba jumuiya ya kimataifa “kujua ukweli kwa ukamilifu kabla ya kukimbilia kufanya maamuzi.”

Maandamano ya kupinga polisi kutumia nguvu ambayo yameingia wiki ya pili yalikuwa ya amani hadi pale polisi walipowapiga risasi waandamanaji.

Polisi wanasema baadhi ya wahalifu walikuwa wameanza kutumia fursa ya maandamano kufanya uhalifu.


EmoticonEmoticon