Wafuasi Wa Trump Na Biden Hawatakubali Matokeo Ya Uchaguzi - Ukusanyaji Maoni

 

Ukusanyaji wa maoni ulioendeshwa na shirika la habari la Reuters kwa ushirikiano na taasisi ya Ipsos umeonyesha kuwa zaidi ya wafuasi wanne kati ya kumi wa rais Donald Trump na mpinzani wake Joe Biden, wamesema hawatokubali matokeo ya uchaguzi wa Novemba iwapo mgombea wanayemuunga mkono atashindwa.

Utafiti huo ambao uliendeshwa kati ya tarehe 13 na tarehe 20 Oktoba unaonyesha asilimia 43 ya wafuasi wa Biden hawatokubali ushindi wa Trump, na asilimia 41 ya wale wanaotaka Trump achaguliwe kwa muhula wa pili hawatokubali ushindi wa Biden.

Asilimia 22 ya wafuasi wa Biden na asilimia 16 ya wafuasi wa Trump wamesema wako tayari kufanya maandamano hata kujihusisha na vitendo vya vurugu iwapo mgombea wanayemuunga mkono atashindwa.

Maafisa wanaosimamia uchaguzi wanakabiliwa na changamoto nyingi mwaka huu na walielezea wasiwasi wao kuhusu Imani ya umma juu ya matokeo ya uchaguzi.


EmoticonEmoticon