Joe Biden Atoa Hotuba Ya Shukrani Baada Ya Ushindi Katika Uchaguzi Mkuu

 

Rais mteule wa Marekani Biden na makamu wake, Kamala Harris, wametowa hotuba zao za kwanza za shukrani kufuatia ushindi wao kwenye uchaguzi uliokuwa na mchuano mkali, huku Trump akikataa kuyatambua matokeo hayo. 

Akizungumza kwenye uwanja wa Wilmington katika jimbo lake la Delaware, Biden aliwaambia maelfu ya wafuasi wake kwamba Wamarekani wamewapa yeye na Kamala Harris ushindi wa wazi ambao watautumia kurejesha kile alichokiita "roho ya Marekani."

Kwenye hotuba yake hiyo ya shukurani, Biden aliahidi kwamba atakuwa rais wa kuwaunganisha na sio kuwagawa, katika kile kinachoonekana kuupiga kijembe utawala wa mtangulizi wake, Donald Trump, ambaye kauli yake ya "Marekani Kwanza" inatajwa kuleta migawanyiko mikubwa ndani na nje ya Marekani. 

Akizungumza moja kwa moja na wapigakura wenye asili ya Afrika, ambao pamoja na Waislamu walimpigia kura kwa wingi kwenye uchaguzi huo uliokuwa na mchuano mkali, Biden aliwaambia daima wamekuwa wakimuunga mkono kama naye anavyowaunga mkono. 


EmoticonEmoticon