Brexit: Kila upande Wamtaka Mwenzake Alegeze Masharti Kuhusu Swala La Uvuvi

 

Wajumbe wa Umoja wa Ulaya na wa Uingereza katika majadiliano ya Brexit hawajafaulu kufikia makubaliano ya biashara huku kila upande ukiutaka upande mwingine kulegeza masharti yake. 

Kizingiti kikubwa ni jinsi gani pande hizo mbili zitaendesha shughuli za uvuvi. Duru kutoka kwenye mazungumzo hayo zimesema suala hilo la uvuvi ndiyo jambo pekee linalozuia kufikiwa makubaliano kabla ya Januari mosi ili kuzuia kurejeshwa kwa kanuni za ushuru kati ya Uingereza na Umoja wa Ulaya.

Bunge la Umoja wa Ulaya limesema muda wa mwisho wa kupatikana mkataba unapaswa kuwa usiku wa leo Jumapili tarehe 20.12.2020 ili kuwezesha mkataba huo kuidhinishwa kabla ya mwisho wa mwaka.

Uingereza imesisitiza kwamba iko tayari kujiondoa kutoka kwenye Jumuiya ya Ulaya bila ya mkataba wa kibiashara kuliko kuutia mtegoni uhuru wake huku kukiwa hakuna tamko lolote lililotolewa na makao makuu ya Umoja wa Ulaya mjini Brussels kuhusu hatua zilizopigwa kwenye mazungumzo ya siku nzima.


EmoticonEmoticon