Msafara Wa Wahamiaji Waliokuwa Wakielekea Marekani Wazuiwa Na Maafisa Wa Guatemala

 

Msafara wa wahamiaji kutoka Amerika Kusini uliokuwa ukielekea nchini Marekani umekutana na marungu na gesi za kutoa machozi nchini Guatemala, ambapo vikosi vya usalma vilifunga njia yao ya kupita kuelekea Marekani.

Maelfu ya watu walizuiwa kwenye barabara karibu na mpaka wa Guatemala na Honduras. Serikali imesema haingekubali "matembezi ya umati wa watu kinyume cha sheria ".

Wahamiaji wanaokadiriwa kuwa 7,000 , wengi wao kutoka Honduras, wameingia katika siku za hivi karibuni, wakikimbia umasikini na ghasia.

Wanatumaini kusafiri hadi Mexico, na baadaye kuufikia mpaka wa Marekani.

Kila mwaka, maelfu ya wahamiaji wa Amerika ya kati hujaribu safari hii ili kujaribu kufika Marekani, mara nyingi hutemea kwa miguu.

Rais mteule wa Marekani Joe Biden, kutoka chama cha Democrat, ameapa kuondoa sera kali za uhamiaji zilizowekwa na mtangulizi wake, Donald Trump, kutoka Republican.

Lakini utawala wa Bw Biden ,ambao utachukua mamlaka Jumatano, umewaonya wahamiaji kutofanya safari , kwa sababu sera za uhamiaji hazitabadilishwa mara haraka.


EmoticonEmoticon