Trump Asema Hajuti Kutoa Hotuba iliozua Ghasia Katika Jumba La Bunge

 

Rais wa Marekani Donald Trump amesema kwamba hotuba yake ya wiki iliopita alipowataka wafuasi wake kuvamia bunge la Congress 'ilistahili'.

Bwana Trump alisema kwamba ni upuuzi kwa wanachama wa Democrarts kuweka juhudi za kumshataki bungeni kwa 'kuchochea uasi'.

''Nadhani mchakato huo wa kunishtaki unasababisha hatari kubwa kwa taifa letu na unasababisha hasira kubwa . Sitaki ghasia'' , bwana Trump alisema. ''Tutaenda katika jumba la bunge ili kuwapongeza maseneta na wabunge wetu kwa ujasiri wao na huenda baadhi yao hatutawapongeza sana , kwasababu huwezi kulirudishu nyuma taifa letu kwa udhaifu. Lazima uonyeshe uwezo wako'' aliwahutubia maelefu ya wafuasi wake .

Alisema kwamba makamu wa rais Mike Pence ni sharti awe na ujasiri wa kufanya anachoweza kufanya , akidai bila msingi kwamba bwana Pence alikuwa na uwezo wa kikatiba kubadilisha matokeo ambayo yalikuwa yakihesabiwa bungeni siku hiyo.

''Najua kwamba kila mtu hapa ataelekea katika jumba la bunge ili kuhakikisha kuwa sauti zetu zinasikika kwa njia ya amani , alisema Trump.

Anaondoka afisini tarehe 20 Januari wakati ambapo rais mteule Joe Biden ataapishwa.

Bunge la uwakilishi linatarajiwa kupigia kura kifungu cha sheria kuhusu kumshtaki rais huyo siku ya Jumtano.


EmoticonEmoticon