Mchumi Wa Nigeria Okonjo-Iweala Kuchukua Mikoba Ya WTO

Shirika la biashara ulimwenguni WTO linatarajiwa kwa mara ya kwanza kuongozwa na mtu kutoka barani Afrika kuanzia leo Jumatatu.

Mchumi mwandamizi kutoka Nigeria Ngozi Okonjo-Iweala, ambaye pia ni mwanamke wa kwanza kuchukua wadhifa huo, ndiye mgombea pekee aliyesalia katika shirika hilo lenye makao yake mjini Geneva.

Hata hivyo, uteuzi wake kama mkurugenzi mkuu katika mkutano wa wajumbe kutoka kwa nchi wanachama 164 wa WTO unachukuliwa kama utaratibu tu na wala usioaminika kwa dhati.

Utawala wa aliyekuwa rais wa Marekani Donald Trump ulikuwa umepinga uteuzi wake japo Rais wa sasa Joe Biden amemuunga mkono Okonjo-Iweala ambaye aliwahi kuhudumu kama waziri wa fedha na waziri wa mambo ya nje wa Nigeria, pamoja na kuhudumu kama mkurugeni mkuu wa Benki ya Dunia.

Okonjo-Iweala aliwashinda wagombea wengine kadha katika kinyang'anyiro hicho akiwemo mpinzani wake mkuu, waziri wa biashara wa Korea Kusini Yoo Myung Hee.


EmoticonEmoticon